«Старое Шигалеево» алга чыкты
Авыл яшьләре арасында район чемпионатында беренче әйләнеш өченче тур уеннары узды. Һәм тагын бер команданың уенга килмәве өчен техник җиңү. «Юниор» (Шәле) тагын аерылып торды – бу юлы аңа «Старое Шигалеево» командасы белән уенда 0:3 исәбе белән техник җиңелү исәпләнде.
Бу турда Шәленең «Легион» командасы да оттырды. Районның биш тапкыр чемпионы тай-брейкта Питрәчнең «Дружба» командасына 2:3 исәбе белән җиңелде. Хәлиткеч партия 18:16 исәбе белән «Дружба» файдасына тәмамланды. Ә көннең өченче уенында «Кобяково» «Кулаево»ны 3:0 исәбе белән җиңүгә иреште.
Өч турдан соң алда «Старое Шигалеево» – 7 очко, икенче урында «Кобяково» – 6, өченче – «Дружба» – 5, дүртенче – «Богородское» – 5, бишенче – «Юниор» – 3, алтынчы –«Легион» – 1, җиденче – «Кулаево» – 1.