Алга

Питрәч районы

18+
Рус Тат
2024 - год Семьи
Җәмгыять

Явым-төшемле көндә аеруча сак булырга кирәк

Дәүләт автоинспекциясенең рәсми мәгълүматларына караганда, безнең илдә юл-транспорт вакыйгаларының өчтән бере начар һава шартларына бәйле рәвештә килеп чыга. Күпләр мондый аварияләрнең сәбәбен начар һава шартларыннан түгел, ә машина йөртүчеләрнең һәм җәяүлеләрнең явым-төшемле көннәрдә юлда үз-үзләрен тотышыннан күрә.

Күп кенә шоферлар машиналары белән тиешенчә идарә итми, ә җәяүлеләр өстәмә куркынычсызлык чаралары күрми. Бөтенроссия җәмәгать фикерен туплау үзәге һәм "Имин хәрәкәт" эксперт үзәгенең уртак тикшерүләре нигезендә, шоферларның 70 процентка якыны начар һава шартларында тизлекне киметергә кирәклеген бик яхшы белә. Шулай да, машина йөртүчеләрнең күпчелеге бик начар һава шартларында гына тизлекләрен киметергә күнеккән, томанга каршы фараларны кабызу яки башка рәткә күчүдән тыелып калу турында бөтенләй дә оныталар.

Җәяүлеләр куркынычсызлыгы юлдагы күренүчәнлеккә бәйле, әмма моңа күпләр игътибар бирми. Җәяүлеләрнең 80 процентка якыны томанлы көннәрдә үзләрен аяз көндәге кебек тота. Сораштыру нәтиҗәләре буенча, 9 проценты гына игътибар белән сак кына йөри, 5 проценттан да кимрәге яктылык кайтаргыч элементлардан файдалана.

Шул уңайдан Россия Эчке эшләр министрлыгының дәүләт автоинспекциясе һәм эксперт үзәген мәгълүмати хуплау буенча Россия автоиминиятчеләр берлеге белән "Иминлек фаразы" социаль кампаниясен үткәрә. ЮХИДИ хезмәткәрләре әлеге акцияне үткәрү чорында машина йөртүчеләр һәм җәяүлеләр арасында аңлату эшләре алып бара, аларга юл хәрәкәте кагыйдәләрен өйрәтәчәк. Алар әлеге акция, җәяүлеләр һәм шоферлар катнашында явым-төшемле көннәрдә булган аварияләр санын киметергә ярдәм итәр, дип өметләнә. Шулай ук, районның белем бирү учреждениеләрендә дә кайбер чаралар оештырылачак.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса